زعلان محترم ..
فيه ناس زعلها مر ، حنضل..
بقلم سوزان عادل
زعلان محترم
تزعل و تغضب و تقاطع و تهين و تشهر .. تزعل و تبان كل عيوبها ، و طاقة عنف تطلع منها و كأن زعلها من كل الناس طلع في لحظة واحدة ..
و فيه زعلان
محترم ، زعله شيك، كبير حتي و هو غضبان .. في زعله يبان طبعه الحلو ..
يعاتب وهو محترم، أو يبعد و هو محترم.. يقول اللي عنده من غير غل و لا اندفاع و لا شتايم و لا تهديد و لا هجوم..
المحترم في زعله لما يلاقي العتاب ما بيجيبش نتيجة ، يبعد اكرم له ، و حتي و هو بعيد ما تطلعش من بقه العيبة..
الزعلان الجميل ده بيسيب رسالة وسط زعله أن المحبة لا تسقط ابدا ، و بيقدم شهادة عن اخلاقه الراقية حتي وسط زعله
